पनवेल / वार्ताहर : महाराष्ट्राचे आराध्य दैवत छत्रपती शिवाजी महाराजांची ३९१ वी जयंती शिवसेना पनवेल शहर शाखेत मुख्यमंत्री उद्धव ठाकरे यांनी केलेल्या आवाहना नुसार व कोव्हिडचे सर्व नियम काटेकोरपणे पाळून उत्साहात साजरी करण्यात आली.
याप्रसंगी शिवछत्रपतींना पुष्पहार अर्पण करून जयघोष करण्यात आला, तसेच या जाणत्या राजाला, महाराष्ट्राच्या दैवताला सर्वांनी मनाचा मुजरा केला. त्याचप्रमाणे यावेळी प्रत्येक पदाधिकारी व शिवसैनिकांनी कोरोनामुळे उद्भवलेल्या परिस्तिथीसाठी मास्क लावणे, सॅनिटायझरचा वापर करणे, सामाजिक अंतर ठेवणे याची नागरिकांमध्ये देखील जनजागृती करण्याचे आवाहन जेष्ठ पदाधिकाऱ्यांच्या समवेत करण्यात आले.
यावेळी शहर संघटक प्रविण जाधव, उपशहरप्रमुख अनिल कुरघोडे, राहुल गोगटे, युवासेना विधानसभा अधिकारी पराग मोहिते, महिला आघाडीच्या सुनंदा पाटील, अर्चना कुळकर्णी, उज्वला गावडे, हर्षाली परायेकर, मा.नगरसेवक विश्वास म्हात्रे, विभाग प्रमुख सुजन मुसलोंडकर, भास्कर पाटील, लक्ष्मण पांचाळ, जुनेद पवार, अंकित बिराजदार, राजेश शेट्टीगार, दत्ता फडके, सनी टेमघरे, ग्राहक कक्षाचे अमर पटवर्धन, राकेश टेमघरे, संकेत बुटाला, कुणाल कुरघोडे, आनंद घरत, रविंद्र शेट्ये, नरुल्ला वाईकर, अभिजित साखरे, कपिल कुरघोडे, नंदकुमार म्हात्रे, चंद्रकांत दसवते आदी पदाधिकारी व शिवसैनिक उपस्थित होते.
