ट्रेलरच्या धडकेत पादचार्‍याचा मृत्यू.....
पनवेल, दि.10 (वार्ताहर) ः भरधाव ट्रेलरच्या धडकेत एका पादचार्‍याचा मृत्यू झाल्याची घटना पळस्पे परिसरात घडली आहे.
मनोजकुमार कमलाकांत झा (35 रा.कोन गाव) हा सुरक्षा रक्षकाचे काम करतो. तो पळस्पे परिसरातून पायी जात असताना भरधाव वेगाने आलेल्या ट्रेलरने त्याला धडक दिल्याने झालेल्या अपघातात त्याचा दुर्दैवी मृत्यू झाला आहे. त्याचप्रमाणे सदर ट्रेलरची धडक तेथील पानटपरीला बसल्याने पानटपरीचेही नुकसान झाले आहे. या घटनेची नोंद पनवेल तालुका पोलीस ठाण्यात करण्यात आली आहे.
