दोन वाहनांच्या धडकेने मोटारसायकलस्वार जखमी...
पनवेल दि.०६ (संजय कदम) : अनोळखी होंडा शाईन मोटारसायकल चालकाने समोरील बाजूने येणाऱ्या मोटारसायकलला धडक देऊन झालेल्या अपघातात सदर गाडीवरील मोटार सायकल स्वार जखमी झाल्याची घटना पनवेल तालुक्यातील वाकडी गावाच्या हद्दीत स्वप्ननगरी समोरील रस्त्यावर घडली आहे.
संतोष मुंढे (वय २६) हे त्यांच्या ताब्यातील मोटारसायकल घेऊन चिंचवली ते वाकडी असे जात असताना समोरून बाजूकडून आलेल्या अनोळखी होंडा शाईन वरील मोटार सायकलवरील चालकाने त्याच्या गाडीस धडक दिल्याने झालेल्या अपघातात संतोष मुंढे हे जखमी झाले असून या अपघातानंतर सदर मोटार सायकलस्वार पसार झाल्याने याबाबतची तक्रार पनवेल तालुका पोलीस ठाण्यात करण्यात आली आहे.
