प्रबळगड माचीवरील बंधारा केला साफ....
पनवेल / वार्ताहर : निसर्गमित्र पनवेलच्या २ दिवसीय श्रमदानात प्रबळगड माची वरील मठाजवळील बांधलेला बंधारा साफ करण्यात आला. या ठिकाणी बारमाही छोटा झरा असून त्या बंधाऱ्यात पाणी जास्त साठावे या करीता त्यातील गाळ- माती व दगडे काढण्यात आली.
बंधाऱ्यातील पाण्याचा वापर वाडीतील लोकांना होतो तसेच प्राण्यांना पिण्याचे पाणी उपलब्ध होते.या व्यतिरिक्त फुटलेल्या बंधाऱ्याच्या ठिकाणी परत दगड -माती रचून बांध घातला व मठाजवळील पाण्याचे कुंड देखील साफ करण्यात आले. यामध्ये संस्थेच्या तरुण मुला मुलींनी खूप मेहेनत घेतली. त्या मध्ये क्षितिज जाधव, अनिष मेंदर्गी, दीप्तन्शु चव्हाण, याना कोकणे, दर्शन पाटील, शैलेंद्र पाटील, राज इंडवटकर, अनुजा काजरेकर, मृण्मयी मुळे, मानस शहासने व इतर अनेक मुला-मुलींचा सहभाग होता.
