पनवेल परिसरातून दोन दुचाकी वाहनांची चोरी..
पनवेल, दि.13 (संजय कदम) ः पनवेल परिसरातून दोन दुचाकी वाहनांची चोरी झाल्याची घटना घडली आहे.
संदीप भारुका यांनी त्यांची 10 हजार रुपये किंमतीची हिरो कंपनीची अ‍ॅक्टीव्हा मोटार सायकल मोरया गार्डन रेसिडेन्सी उसर्ली येथील पार्कींगमध्ये उभी करून ठेवली असता अज्ञात चोरट्याने सदर मोटार सायकल चोरुन नेल्याची घटना घडली आहे. या घटनेची नोंद पनवेल शहर पोलीस ठाण्यात करण्यात आली आहे. तर दुसर्‍या घटनेत दुर्गाप्रसाद पद्दीनटोलो याने त्याची मोटार सायकल ही कळंबोली सेक्टर 5 परिसरातील मैदानाजवळ उभी करून ठेवली असता अज्ञात चोरट्याने सदर मोटार सायकल चोरुन नेल्याने याबाबतची तक्रार कळंबोली पोलीस ठाण्यात करण्यात आली आहे.
