डॉ.संजीवनी गुणे यांच्या हस्ते प्राथमिक आरोग्य केंद्राला प्रदान..
पनवेल / वार्ताहर : -
रोटरी क्लब ऑफ पनवेल सेंट्रल हा क्लब पनवेल मधील प्रथितयश डॉक्टरांच्या सहभागामुळे आणि क्लबमधून केल्या जात असलेल्या वैद्यकीय प्रकल्पांसाठी नावाजलेला क्लब म्हणून ओळखला जातो. वर्षभर अनेक सामाजिक वैद्यकीय प्रकल्प या क्लबमार्फत राबवले जातात. यंदा रोटरी वर्ष 24-25 चे मेडीकल डायरेक्टर माजी अध्यक्ष रो. डॉ. लक्ष्मण आवटे यांच्या मार्गदर्शनाखाली हे वैद्यकीय प्रकल्प राबवले जात आहेत. या अंतर्गतच दिनांक 25 जुलै रोजी पनवेल आरोग्य प्राथमिक केंद्र क्रमांक 1 येथे, सुदृढ माता सुदृढ बालक या जाणिवेतून, गरोदर स्त्रियांना प्रोटीनची अधिक मात्रा असलेले पौष्टिक खाद्यपदार्थ क्लबतर्फे देण्यात आले. तसेच गरोदर पणातील चाचणीसाठी लागणारे डॉपलर मशीन पनवेलमधील प्रसिद्ध स्त्रीरोग तज्ञ रो. डॉ. संजीवनी गुणे यांच्या हस्ते प्राथमिक आरोग्य केंद्राच्या संचालिका डॉ. रेहाना मुजावर यांना प्रदान करण्यात आले.
याप्रसंगी क्लबचे मेडीकल डायरेक्टर रो डॉ. लक्ष्मण आवटे यांच्यासह इतर रोटेरियन्स आणि ॲन्स उपस्थित होते.
या प्रोजेक्टच्या सांगतेनंतर लगेचच उपस्थित सर्व रोटेरियन्स नी डिस्ट्रीक्टच्या 'छत्रछाया' या प्रोजेक्ट अंतर्गत रस्त्यावरील, तसेच बाजारपेठेतील गरीब गरजू विक्रेत्यांना ऊन पावसापासून संरक्षक अशा मोठ्या छत्र्यांचे वाटप करून आपले सामाजिक कर्तव्य पार पाडले. मानवता, संवेदना आणि सेवा ही रोटरीची ओळख सार्थ करत आज रोटरी क्लब ऑफ पनवेल सेंट्रल,तीन समाजोपयोगी उपक्रम करण्यात यशस्वी ठरला.
