ग्रुप ग्रामपंचायत दूंदरे वतीने ५ शाळांना साहित्य वाटप
पनवेल / प्रतिनिधी :- ग्रुप ग्रामपंचायत दूंदरे येथे शुक्रवार दि ५ डिसेंबर रोजी सरपंच सुभाष भोपी यांच्या नेतृत्वाखाली मासिक सभा ग्रामपंचायत दूंदरे कार्यालयात पार पडली.सदर मिटिंग मध्ये दुंदरे ग्रुप ग्रामपंचायत हद्दीतील गावातील नागरिकांचे विविध विविध प्रश्नांवर चर्चा करून मंजुरी देण्यात आली.
ग्रामपंचायत मीटिंग नंतर रिटघर येथे दुंदरे हद्दीतील रिटघर, दूंदरे, दूंदरेपाडा, चिंचवली, शिवनसई, जिल्हा परिषद शाळेच्या शिक्षकांना शाळेला आवश्यक असणारे साहित्य खुर्च्या, टेबल,कपाट इत्यादी आवश्यक सामग्री देण्यात आली.
यावेळी सरपंच उपसरपंच कमिटी सदस्य, शिक्षक यांच्या उपस्थितीत दूंदरे येथे ३ टेबल ५ खुर्च्या १ कपाट,१ ग्रंथालय तर रिटघर शाळेला ३० खुर्च्या, १ कपाट, १ ग्रंथालय कपाट, दूंदरे पाडा, चिंचवली, शिवणसई या प्रत्येक शाळेला २ टेबल ५ खुर्च्या १ ग्रंथालय कपाट, आदी साहित्य शाळांना सुपूर्द केले.
यावेळी शिक्षकांनी आपले मनोगत मांडत ग्रामपंचायत दुंदरे सरपंच सुभाष भोपी व कमिटीचे आभार मानले.
सरपंच सुभाष भोपी यांनीही शिक्षकांना मार्गदर्शन करत लवकरच शाळेंना शुद्ध पाण्यासाठी एक्वागार्ड देणार असल्याचे सांगितले. तसेच ग्रामपंचायत उपसरपंच व महिला सदस्य प्रत्येक शाळेत भेट देणार असून मुलींची संवाद साधणार आहेत.
या कार्यक्रमाला उपस्थित सरपंच सुभाष पुंडलिक भोपी,उपसरपंच शितल कैलास भोपी तसेच सदस्य महेश महादू पाटील, कमला लहू वाघमारे,शांताराम शंकर चौधरी,प्रलय तुकाराम भोपी,करमेलकर सुप्रिया हनुमान, ललिता संतोष चौधरी,राणी विलास सिनारे जयदास मारुती चौधरी, विश्वास पुंडलिक पाटील
शकुंतला भीमा गोसावी आदी सदस्य ग्रामविकास अधिकारी बाळासाहेब सरडे, रायगड भूषण- भूषण भोपी आणि ग्रामस्थ मंडळी शिक्षक वृंद उपस्थित होते.
